كيف 🤔 تزرع في طفلك معرفة الله تعالي ومحبته.
إن تربية الأطفال من الأمور المعقدة والحساسة جدا ، فيجب الحرص علي الإهتمام بالأطفال وزرع القيم والمبادئ الدينية في الطفل ، فيجب علي الآباء التركيز علي وجود الله وتعظيمه في نفوس الأطفال وفي هذه المقالة سنشرح لكم كيف نعرف الأطفال علي وجود وعظمة الله ، في كل شئ نقوم به.
في السن الصغير سن العامين والثلاثة👶 امدحي الطفل بقولك ؛-
• 👍انت احلي وأجمل طفل ربنا خلقه في الدنيا كلها
• 😍 لو إنتي مع ابنك في أي مكان شاوري علي السماء وقوليلو (ربنا خلق☁ السما الكبيرة أوي دي )
• 📖 اقرئي له القصص التي تعرفنا علي الله وتذكر وجوده وقدرته وعظمته.
👦لما يكبر شوية رددي ؛-
• 🤲الحمد لله انا باحمد ربنا هو اللي خلقني وخلق كل الناس
• 🐓إذكري له أمثلة من خلق الله تعالي من طيور وحيوانات مثل العصفورة أو الفرخة أو الأرنب مثلا ليتعرف علي من خلق كل هذه المخلوقات.
👈امام الطفل ؛-
• كمان قفي معه امام وردة 🌹جميلة بحديقة ، ربنا هو اللي خلقها ، يعني عملها...ربنا عظيم ، ربنا جميل
• 🦋دخلي الكلام عن ربنا في الجمل العادية اللي بتقوليها في السن الصغير لان العقل بيحفظ الكلام
لما تصلي🧕
•قدام الطفل قولي (انا باحب ربنا وباصلي له )
• كده من غير سبب من غير حتي ما يسألك
لما تجيلك حاجة تفرحك اسجدي امام الطفل شكرا لله
(باشكر ربنا هو اللي اداني الحاجة دي )
👦في سن 5 اعوام ؛-
• تحكي قصص الانبياء ببساطة ربنا أرسل النبي فلان عشان يعلم الناس يعبدوا ربنا
• المؤمنين بيدخلوا الجنة
الكفار يدخلوا النار🔥
• 🔥 أوضح ان لدى الله نار فلا مشكلة من ذكر ذلك للطفل لكن اربطي النار بالكفر او عدم معرفة الله عز وجل ، وأحكي أيضا له عن الجنة وأقول له أن من يفعل كل شئ جميل يكون مكانه في الجنة.
• 👀 إلفتي نظر الطفل وانتي بتحكي ان الكفار دول بيعبدوا صنم حاجة زي العروسة مش بتفهم ولا تتحرك ولا بتعملهم اي حاجة.
احنا بنعبد ربنا اللي خلقنا.
*فين ربنا ؟*
👈في السما. .لكن بيشوفنا واحنا في كل مكان
*امتي هنشوفه ؟*
في الجنة
*ليه مش دلوقتي ؟*
عشان عنينا دلوقتي متقدرش تشوفه
بس بتشوف الحجات اللي خلقها
👈في حياتك العادية ؛-
• نادي ابنك وانت بتنظفي دجاجة...طلعي القلب
• 👀 إلفتي نظره لعظم واحكام خلق قلب❤ الدجاجة
• لا يهتم بمخلوق ضعيف كالدجاجة 🐔الا من خلقها
• 👀وإلفتي نظره ان هناك تشابه تركيب بين قلب الدجاجة وقلب الانسان
لان الصانع واحد وهو الله
• 👈لما تتكلمي عن حد غلطان عامل حاجة مش صح دايما👀 الفتي نظر الطفل ان الله يسامح وانه غفور لكل من اخطأ وتاب وإستغفر لذنبه.
وأن الرجوع اليه سهل.
• 👈إحكي عن الرسول صلى الله عليه وسلم وحبه للناس وطيبته معاهم وان اللي امره بكل ده ربنا
• ربنا بيحب الناس.
• ربنا ييرحم الناس.
رددي الجمل دي.
• 👈من سن 5 سنوات ؛-
قولي لابنك ادخل اوضة كده واقفل علي نفسك انا كده مش هشوفك لكن عارف مين شايفك { ربنا شايفك}
• ازاي ؟ ؟ • 🤔
•الله في السماء يري كل الناس منعرفش شكله لكن هنشوفه في الجنة عنينا هتشوفه وقتها
• 👈لما تدعي 🤲ادعي قدامه ؛-
• قولي لابنك انا بادعي ربنا لو جاب لي الحاجة خير ، لو محصلتش خير لان ربنا عظيم ويعلم الخير ، انا مش كل شئ باعرفه.
• 👈مرات كده من غير سبب افتحي فيديو عن تكوين النملة🐜 او النحلة 🐝
وعظيم الخلق فيها
اللي خلق كل التفاصيل اللي ف جسمها ربنا.
اللي مشاها ربنا
• 👈.من سن 7 سنوات ؛-
• فيه حاجة عظيمة اوي جوانا خلقها ربنا اعظم حاجة. ..الروح..
• 👈مينفعش تبقي الروح جوانا ومنصليش.
• إيه هي الروح ؟ ؟
•هاتي نبات حي ونبات ميت الفرق بينهم الروح.
• ايه تكوين الروح ؟*
• قولي لابنك مفيش اي عالم👨🎓 بشر قدر يعرف ايه هي الروح ربنا بس اللي يعلمه.
•قل الروح من امر *ربي وما اوتيتم من العلم الا قليلا•
• الصلاة ؛-
• صلة باللي خلق جوانا الروح بنكلمه مينفعش منصليش ......
•دايما رددي الجمل دي ؛-
*(انا واثقة من اختيار ربنا)*
• احنا بنخاف من الله
لاننا بنحبه
• ومش بنحب نعصاه
• وهو بيسامحنا لو غلطنا
•🤲اللهم اني اشهدك اني احبك
واخافك...
• وزرعت في قلب❤ ابنائي حبك وخشيتك
• 🤲اللهم ارزقنا حبك وحب من احبك وحب عمل يقربنا الي حبك.
المصدر ؛-
*الإستشارية الأسرية والتربوية*
*د/فاطمةكامل💞*
إرسال تعليق