1-الموبايلات والتاب والتلفزيون ساعه في اليوم مقسومه على مرتين لان دا بيأثر ع التركيز مهما كانت الاستفاده🌳
2-العياط ملوش عقاب يعني مينفعش تزعلي منه انه بيعيط ..العقاب ع الخطأ بس والتصرف السليم مع العياط التجاهل مهما كان المكان والناس اللي حواليكي .يعني يعيط سيبيه يعيط ولا تقولي بس ولا تحاولي تراضيه ولا تسهيه ف حاجه تانيه ولا تقوليله هزعل منك ولا كده عينك هتوجعك مفيش اي كومنت ولما يخلص عياط متلمهوش ع العياط ولا نقولي انا زعلانه انك عيط.. العياط دا تعبير عن الشعور مش خطأ🌳
3-.قبل الخروج لازم يكون فيه اتفاق على اللي هيحصل دا هيقلل المشاكل يعني احنا رايحيين كارفور انهارده هنجيب حاجات للبيت وانت هتجيب حاجه واحده وهنلعب لعبتين بس ..لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل🌳
4-ممنوع الاطفال تنام ف نفس الاوضه مع الاب والام بعد سنه🌳
5-ممنوع يدخولوا الحمام معانا او يشوفوا الام والاب اثناء تغيير الهدوم🌳
6-الطفل لو عمل حاجه غلط قدام حد مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر
7-متعمليش حساب لاي حد ع حساب ولادك ، لو وسط مول وسط اهلك ف تاكسي اي حاجه تعملي الصح بغض النظر عن الناس متقوليش هسكته مثلا باي حاجه عشان الناس .. الصح يتعمل تحت اي ظرف🌳
8-متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها🌳
9-لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب.🌳
10-ممنوع ياخدوا اي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طالما الناس بتاخد منهم.🌳
11-لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه انه هيلعب مع الضيوف باللعب ولو رفض يبقى خلاص متلعبش وهما هيلعبوا لوحدهم🌳
12-مينفعش نقول هقول لبابا لما يجي وبابا هيزعق ، دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا .🌳
١٣- الضرب مش هو العقاب لكل خطأ حتي لا يتعود الطفل علي الضرب بالعصا ولكن يوجد طرق أخري للعقاب مثل الحرمان أو التوبيخ أو مخاصمته حتي يعتذر عن الخطأ بعد تحذيره من عدم فعل الخطأ .
١٤- مينفعش تشتمه بألفاظ قبيحة لأنه بيرددها بعد كده معاك أو تقوله أنت ما تفهمش أو ما بتشوفش أو أنت أعمي علشان كده بيحطم معنوياته ويترك تأثير سلبي .🌳
١٥- كن قدوه حسنه لهم علشان لما هيشفوك بتصلي لله هيصلوا وحافظ علي كلامك أمامهم وشجعهم علي عمل الخير وكرههم في السيئ.🌳
١٦- علمهم العطاء والجود يعني لو معاه أكل أو حاجه حلوه قوله ادي لأخوك قطعه منها وقوله إلعب مع إخواتك وأصحابك علشان ميبقاش إنطوائي.🌳
١٧_ علمهم صلة الرحم وعرفه أهلك وأهل أمه علشان لما يكبر يتواصل معهم .🌳
١٨ - خلي أولادك يعمل معاك أي حاجة ممكن لا تضره في مقابل إنه هيكتسب ثقه في نفسه ويكون عنده شخصية قوية وحب المشاركات.🌳
١٩ - إدع الله أن يوفقهم ويحفظهم ويبارك فيهم ويجعلهم من الصالحين .🌸🌸🌸🌸
إرسال تعليق