ومن هذه الجمل : .
1 :- ليه لازم اقول الكلام 100 مره 😡.
التقطيم ابدا عمره ما هيفيد لان الاطفال ممكن ميكونوش سامعين من الاساس انتي بتقولي ايه خصوصا لو متعصبه وبتزعقي
فحاولي تختصري كلامك وتقولي الجمله المفيده فقط وبلاش المحاضرات الكبيره 🙂
وحاولي تفكريها بكلمه واحده فقط زي مثلا ؛.
المذاكره.
الصلاه.
النوم.
حاولي تهدي اعصابك وتوفري طاقتك ومتزهقيهاش
2 :- متبقيش حساسه اوي انتي اوفر اوي كدا ليه.🤔
الجمله كدا غلط لانك كدا بتستهتري باحساسها ومعني كدا ان احساسها ملوش قيمه و انها دايما فاهمه غلط
وانك تصلحي دا فلازم مثلا تستخدمي نفس المصطلح الي قالتو مثلا تقوليلها " انتي فعلا حاسه انك متضايقه او غضبانه او حسب الي هيا قالتو عيديه تاني. واسأليها مثلا ليه حسيتي بكدا ؟
اكيد انتي احساسك مش غلط ودي مشاعرك.
بس خلينا نشوف ونفكر ليه حسيتي بكدا ؟
3 :- حاسبي كدا انتي مش عارفه تعملي اي حاجه .
انتي كدا بتهزي ثقتها في نفسها وفي قدراتها
الي لازم تقوليه
حاولي تاني لحد متتعلمي ، برافو عليكي عملتي اول خطوه صح ، تحبي اساعدك ؟
4 :- انتي معندكيش مخ ؟ ازاي تغلطي في غلطه زي دي ؟
انتي كدا بردو بتقللي ثقتها في نفسها.
الي المفروض تقوليه ياتري اتعلمتي ايه من الموقف دا ؟ مش مشكله كلنا بنغلط بس المهم نتعلم صح.
5 :- أنتي عمرك مهتتغيري ابدا .
ونتيجه الجمله دي انها هتيأس وتصاب بالاحباط وتفقد الامل ومش هتحاول تشتغل علي نفسها تاني عشان تكون احسن
. الي تقوليه خلينا نفكر مع بعض ايه الي بيخليكي تغلطي كل مره نفس الغلطه دي
6 :- مانتي بتعرفي تجيبي درجات حلوه اهو كانت فين الدرجات دي ومبتجبيش الدرجات دي في كل المواد ليه ؟
انتي كدا لو بتحاولي تشجعيها فأنتي غلطانه لانك في نص الجمله الاخير بتحبطيها فعلا
الي تقوليه " درجاتك بقت احسن كتير لازم تفرحي لانك بذلتي مجهود كبير ولقيتي نتيجه حلوه ياحبيبتي
7 :- انتي قرفاني طول الوقت ومبقتش عارفه اتعامل معاكي.
تخيلي انك امها لما تحس انك مش طيقاها ومستحملاها بالعافيه يبقا ازاي الناس التانيه هيحبوها اكيد هتحس ان محدش بيحبها ابدا 😢😔
متقوليش ليها ابدا انك مش عارفه تتعاملي معاها لانها هتحس انها شخصيه صعبه وانك يئستي منها ودا هيكون ليه تأثير سلبي جدا عليها
8 :- أنتي انانيه جدا
انتي بالجمله دي هتعوديها انها متحبش نفسها وتنكرها وتخاف تقول هيا محتاجه او نفسها ف ايه وظا هيسببلها مشاكل كتير لما تكبر
الي هتعمليه انك تحاولي تعدلي سلوكها بطريقه غير مباشره يعني مثلا خليها تتبرع لاي جمعيه خيريه او تساعد حد محتاج عشان تتعود علي العطاء ومساعده الناس.
وانتظرونا في الجزء الثاني.....🌺
إرسال تعليق